Андижон вилоятида уч нафар йигит зўрлик ишлатиб, 36 ёшли фуқаронинг Samsung А-10 телефонини тортиб олди. Бу ҳақда Тергов департаменти хабар берди.
Маълум бўлишича, 2020 йилнинг 20 июль куни соат 21:30 да Андижон тумани «Гумбаз» МФЙ ҳудудида 21 ёшли Ж.Ж., 20 ёшли М.К. ва 19 ёшли А.И. бир гуруҳ бўлиб, М.К.нинг Matiz автомашинасида 36 ёшли Д.З.ни кузатган. Шериклар Д.З.ни Миллий ҳаммом биноси ёнида тўхтатиб, унинг юз қисмига уриб, ёнида бўлган 1 400 000 сўмлик Samsung А-10 телефонини тортиб олган ва ҳодиса жойидан яширинган.
Олиб борилган тезкор-қидирув ҳаракатлари натижасида Ж.Ж., М.К. ва А.И. ушланган, улардан Samsung А-10 телефон аппарати холислар иштирокида ашёвий далил тариқасида расмийлаштириб олинган.
Мазкур ҳолат юзасидан Андижон тумани ИИБ ҳузуридаги Тергов бўлими томонидан Жиноят кодексининг 166-моддаси 2-қисми «а», «в» бандлари (Талончилик) билан жиноят иши қўзғатилган.
Жиноят иши бўйича Ж.Ж., М.К. ва А.И.га Жиноят кодексининг 164-моддаси 2-қисми «б» банди (Босқинчилик) билан айб эълон қилиниб, уларга нисбатан қамоққа олиш тарзидаги эҳтиёт чораси қўлланилган.
Маълумот учун, Жиноят кодексининг 164-моддаси 2-қисми «б» бандига асосан бир гуруҳ шахслар томонидан олдиндан тил бириктириб, амалга оширилган босқинчилик учун саккиз йилдан ўн йилгача озодликдан маҳрум қилиш жазоси қўлланилиши мумкин.
Мавзуга доир:
- Тошкентда йўловчининг iPhone Х ва Аirpods’ини олиб қўйиб, ўзини кўчада қолдирган ҳайдовчи ҳамда унинг шериги қўлга тушди
- Андижонда Captiva’дагиларни калтаклаб, уларнинг 500 долларини олиб қочган тўрт нафар шахс ушланди
- Жиззахда Gentra ойнасини синдириб, юкхонасидан 50 млн сўм ўғирлаган жиноий гуруҳ ушланди
- Фарғонада кечаси Nexia’ни тўхтатиб, 36,7 млн сўм пул ва телефонни талончилик йўли билан олган жиноий гуруҳ фош қилинди
Изоҳ (0)