Andijon viloyatida uch nafar yigit zo‘rlik ishlatib, 36 yoshli fuqaroning Samsung A-10 telefonini tortib oldi. Bu haqda Tergov departamenti xabar berdi.
Ma’lum bo‘lishicha, 2020-yilning 20-iyul kuni soat 21:30 da Andijon tumani “Gumbaz” MFY hududida 21 yoshli J.J., 20 yoshli M.K. va 19 yoshli A.I. bir guruh bo‘lib, M.K.ning Matiz avtomashinasida 36 yoshli D.Z.ni kuzatgan. Sheriklar D.Z.ni Milliy hammom binosi yonida to‘xtatib, uning yuz qismiga urib, yonida bo‘lgan 1 400 000 so‘mlik Samsung A-10 telefonini tortib olgan va hodisa joyidan yashiringan.
Olib borilgan tezkor-qidiruv harakatlari natijasida J.J., M.K. va A.I. ushlangan, ulardan Samsung A-10 telefon apparati xolislar ishtirokida ashyoviy dalil tariqasida rasmiylashtirib olingan.
Mazkur holat yuzasidan Andijon tumani IIB huzuridagi Tergov bo‘limi tomonidan Jinoyat kodeksining 166-moddasi 2-qismi “a”, “v” bandlari (Talonchilik) bilan jinoyat ishi qo‘zg‘atilgan.
Jinoyat ishi bo‘yicha J.J., M.K. va A.I.ga Jinoyat kodeksining 164-moddasi 2-qismi “b” bandi (Bosqinchilik) bilan ayb e’lon qilinib, ularga nisbatan qamoqqa olish tarzidagi ehtiyot chorasi qo‘llanilgan.
Ma’lumot uchun, Jinoyat kodeksining 164-moddasi 2-qismi “b” bandiga asosan bir guruh shaxslar tomonidan oldindan til biriktirib, amalga oshirilgan bosqinchilik uchun sakkiz yildan o‘n yilgacha ozodlikdan mahrum qilish jazosi qo‘llanilishi mumkin.
Mavzuga doir:
- Toshkentda yo‘lovchining iPhone X va Airpods’ini olib qo‘yib, o‘zini ko‘chada qoldirgan haydovchi hamda uning sherigi qo‘lga tushdi
- Andijonda Captiva’dagilarni kaltaklab, ularning 500 dollarini olib qochgan to‘rt nafar shaxs ushlandi
- Jizzaxda Gentra oynasini sindirib, yukxonasidan 50 mln so‘m o‘g‘irlagan jinoiy guruh ushlandi
- Farg‘onada kechasi Nexia’ni to‘xtatib, 36,7 mln so‘m pul va telefonni talonchilik yo‘li bilan olgan jinoiy guruh fosh qilindi
Izoh (0)