«Ювентус» ҳужумчиси Криштиану Роналду расмий ўйинлардаги голлар сони бўйича дунёда иккинчи ўринга кўтарилиб олди.
Италия чемпионатидан ўрин олган «Лацио»га қарши ўйинда (2:1) Роналду ўзининг расмий учрашувларидаги 733 ва 734-голларини урди. Шу тариқа Роналду ушбу кўрсаткич бўйича 2-ўриндаги Ромариога етиб олди. Расмий ўйинлардаги голлар сони бўйича ҳамон Пеле пешқадамлик қилмоқда. Унинг ҳисобида 767 та гол бор.
4-ўринда эса «Бавария» собиқ ҳужумчиси Герд Мюллер бормоқда, унинг ҳисобида 720 та гол бор. «Барселона» ҳужумчиси Лионель Месси эса мазкур рўйхатда 5-ўриндан жой олган. Унинг ҳисобида 716 та гол мавжуд.
Маълумот учун, «Ювентус» 2018 йилнинг ёзида 117 миллион евро эвазига Роналдуни сотиб олган. Ушбу мавсумда 35 ёшли ҳужумчи Италия чемпионатининг 30 ўйинида майдонга тушиб, 30 та гол урди 6 та голга ҳаммуаллифлик қилди. Унинг клуб билан шартномаси 2022 йилнинг ёзигача мўлжалланган.
Роналдунинг «Ювентус» сафидаги дастлабки 50 та голини томоша қилинг (видео)
Мавзуга доир:
Изоҳ (0)