“Yuventus” hujumchisi Krishtianu Ronaldu rasmiy o‘yinlardagi gollar soni bo‘yicha dunyoda ikkinchi o‘ringa ko‘tarilib oldi.
Italiya chempionatidan o‘rin olgan “Latsio”ga qarshi o‘yinda (2:1) Ronaldu o‘zining rasmiy uchrashuvlaridagi 733 va 734-gollarini urdi. Shu tariqa Ronaldu ushbu ko‘rsatkich bo‘yicha 2-o‘rindagi Romarioga yetib oldi. Rasmiy o‘yinlardagi gollar soni bo‘yicha hamon Pele peshqadamlik qilmoqda. Uning hisobida 767 ta gol bor.
4-o‘rinda esa “Bavariya” sobiq hujumchisi Gerd Myuller bormoqda, uning hisobida 720 ta gol bor. “Barselona” hujumchisi Lionel Messi esa mazkur ro‘yxatda 5-o‘rindan joy olgan. Uning hisobida 716 ta gol mavjud.
Ma’lumot uchun, “Yuventus” 2018-yilning yozida 117 million yevro evaziga Ronalduni sotib olgan. Ushbu mavsumda 35 yoshli hujumchi Italiya chempionatining 30 o‘yinida maydonga tushib, 30 ta gol urdi 6 ta golga hammualliflik qildi. Uning klub bilan shartnomasi 2022-yilning yozigacha mo‘ljallangan.
Ronalduning “Yuventus” safidagi dastlabki 50 ta golini tomosha qiling (video)
Mavzuga doir:
Izoh (0)