Лондоннинг «Арсенал» клуби ярим ҳимоячиси Месут Ўзил фаолиятини Туркияда давом эттириш таклифини рад этди. Бу ҳақда Bild хабар бермоқда.
Манбанинг ёзишича, асли турк бўлган германиялик 31 ёшли футболчининг хизматларига «Фенербаҳче» қизиқиш билдирган. Клуб Ўзилга таклиф билан чиққан, бироқ ярим ҳимоячи бу таклифни рад этган. Хавбекнинг 2021 йилнинг ёзигача, яъни шартномаси якунига етгунига қадар «Арсенал»да қолмоқчи эканлиги таъкидланмоқда.
Маълумот ўрнида, Ўзил 2013 йилдан бери «Арсенал» шарафини ҳимоя қилиб келади. Унгача у «Шальке-04», «Вердер» ва «Реал Мадрид» клубларида тўп сурган.
Англия Премьер Лигасининг 2019/20 йилги мавсумида Месутнинг ҳисобида 18 та ўйин, 1 та гол ва 2 та ассист бор.
«Арсенал» Англия чемпионатининг 36-туридан кейин 53 очко билан мусобақа жадвалида 10-ўринда бормоқда.
Месут Ўзилнинг «Реал» сафидаги барча голларини томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)