АҚШдаги Skipco аукционида «Келажакка қайтиб» фильмидаги De Lorean DMC-12, «Арвоҳлар овчилари»даги Ecto-1, шунингдек, «Бэтмобиль» нусхалари сотувга қўйилди. Машиналарнинг барчаси солиқларни вақтида тўламаган фирибгардан мусодара қилинган, деб хабар беради Motor.
Аукционда Бэтмен ҳақидаги фильмларнинг 1990 йиллардаги қисмида суратга тушган «Бэтмобиль» нусхаси сотувга қўйилган. Нусха 1995 йилги Chevrolet Caprice Classic базасида яратилган бўлиб, унга 5,7 литрли V8 двигатели ўрнатилган. Бундан ташқари, фильм учун «Бэтмобиль»га реактив трубина шаклидаги ҳаво ҳайдагич, «суперқаҳрамонларга хос» кўплаб тугма ва датчиклар ўрнатилган.
Сотувга қўйилган автомобиллардан яна бир — Ecto-1 модели бўлиб, 1959 йилги Cadillac базасида яратилган. Салони оқ чарм билан қопланган нусха «Арвоҳлар овчилари» фильми орқали машҳурликка эришган.
Кимошди савдоларида сотиладиган сўнгги нусха «Келажакка қайтиб» трилогиясида машҳурликка эришган 1981 йилги DeLorean нусхаси ҳисобланади. Афсонавий автомобиль салони нусхасига «вақт соатлари», шунингдек, соатига 88 мил тезликда «жиддий кўнгилсизлик» содир бўлишидан огоҳлантирувчи «табличка» илинган.
Афсонавий автомобиллар нусхаларини Федерал маршаллар хизмати Огайодаги реабилитация маркази бошқарувчисидан мусодара қилган. Эркак фирибгарлик ва 25 миллион доллар пулни тўламаганликда айбдор деб топилган. Бундан ташқари, фирибгарнинг барча мол-мулки мусодара қилинган. Савдолар 1 августдан бошланади. Афсонавий автомобиллар нархи ҳозирча маълум қилинмаган.
Изоҳ (0)