Nissan автокомпанияси расман ўзининг янги логотипини тақдим этди. Эмблема концерн 20 йилдан буён фойдаланиб келаётган эски логотип ўрнини эгаллайди. Янги логотипга биринчи бўлиб Ariya электрокроссовери эга бўлади, деб хабар қилади Car and Driver.
Nissan’нинг глобал дизайни бўйича вице-президенти Альфосн Альбайснинг сўзларига кўра, янги логотип устида иш уч йил давомида олиб борилган, бироқ фақат ҳозир «рақамли» замонавий дунё якуний версияни танлаш имконини берган.
Янги логотип марказидан эскисидаги каби бренд номи ўрин олган, бироқ анча ингичкалашган ва тўлиқ доира ўрнига иккита ярим доира жойлашган. Бу жамиятда йигирма йил давомида рўй берган рақамли ўзгаришлар рамзи ҳисобланади.
Ariya’дан сўнг барча моделлар янги логотипга эга бўлади. Электромобилда янги эмблема ёруғлик диодлари билан ёритилади.
Мавзуга доир: Бир марта қувватланиш орқали 500 километр: Nissan’нинг биринчи электрокроссовери тақдим этилди
Изоҳ (0)