Tesla Model 3’нинг борт камералари тиббий ниқоб тақиб олган икки нафар шахс Porsche 911 Carrera’нинг ўғирлашга уринганини видеога олди. Кўнгилсиз ҳодиса Испаниянинг Беникасим шаҳридаги автотураргоҳлардан бирида содир бўлган, деб ёзади Business Insider.
Кадрлардан кўриш мумкинки, ўғрилардан бири Porsche рулига ўтирган, иккинчиси эса машинани орқасидан итарган.
Ўғирлаб кетилган транспорт воситаси қўшни шаҳарчада тезда топила қолган, ҳуқуқ-тартибот органлари эса ўғриларни қидирувга берган.
https://twitter.com/josejacas/status/1282372669619482624
Нашрнинг таъкидлашича, Tesla ва Porsche эгалари бир-бири билан қариндош.
Маълумот учун, Tesla’нинг барча электромобиллари Sentry Mode режими билан жиҳозланган бўлиб, автотураргоҳдаги электрокар яқинида бирор ҳаракат пайдо бўлса, борт камералари ишга тушади.
Аввалроқ Калифорнияда Tesla эгаси ўз машинасини ўғирлашга уринган шахсни смартфон ёрдамида салонга қамаб қўйгани тўғрисида хабар берилганди.
Изоҳ (0)