Қашқадарё вилоятининг Қарши шаҳрида Cobalt ҳайдовчиси велосипед бошқариб кетаётган 30 ёшли аёлни уриб юборди. Тан жароҳати олган аёл воқеа жойида вафот этди, дея хабар берди «Дарё» мухбири.
Маълум бўлишича, воқеа Қарши шаҳридаги Амир Темур кўприги устида содир бўлган.
Косон тумани Пўлати қишлоғида яшовчи фуқаро бошқарувида бўлган Cobalt 2020 йилнинг 8 июль куни эрталаб соат 07:30 да Қарши шаҳрининг Ислом Каримов кўчаси бўйлаб Косон—Қарши йўналишида ҳаракатланиб келиб, Амир Темур кўприги устида йўлни кесиб ўтаётган 30 ёшли велосипед ҳайдовчисини уриб юборган.
Велосипедда йўлнинг пиёдаларга мўлжалланмаган қисмидан ўтишга уринган 30 ёшли аёл — М.С. олган тан жароҳати оқибатида воқеа жойида вафот этган.
Эслатиб ўтамиз, аввалроқ Бухорода маст ҳолда велосипед бошқарган отахон ЙТҲ қурбонига айланганди. Самарқандда эса наушник тақиб олган велосипедчи Captiva уриб юбориши оқибатида ҳаётдан кўз юмди. Фарғона вилоятида бир кунда икки велосипедчи ЙТҲ қурбони бўлгани хабар қилинди.
Изоҳ (0)