Хитойнинг iQOO бренди флагман моделларнинг техник тавсифига эга, бироқ арзон нархдаги янги iQOO U1 смартфонини тақдим этди, деб хабар беради Gizmochina.
Қурилмага IPS-матрицали 6,53 дюймга тенг ҳошиясиз дисплей ўрнатилган. Унинг ичидан Snapdragon 720G процессори ўрин олган. Смартфон бир неча модификацияда тақдим этилади: 6/64 Гб, 6/128 Гб ва 8/128 Гб. Тезкор хотираси эса LPPDR4х стандарти бўйича ишлайди. Android 10 операцион тизими ўрнатилган қурилманинг аккумулятор сиғими 4500 мА/соатга тенг ва 18 ваттли тезкор қувватланиш функциясини қўллаб-қувватлайди.
Смартфоннинг орқа қисмида учта камерадан иборат модул жойлашган. Асосий сенсор — 48 мегапикселлга тенг бўлиб, уни 2 мегапикселли портрет камера ва макрообъектив тўлдириб туради. Фронтал датчик эса дисплейдаги кичкина қирқим ичидан ўрин олган.
iQOO U1 уч хил рангда тақдим этилган: кўк, қора ва оқ. Гаджет нархи унинг хотирасига қараб ўзгариб туради, масалан, 6/64 гигабайтли версия 168 доллар бўлса, 8/126 гибабайтлиси — 224 доллар.
Аввалроқ Xiaomi’нинг энг ҳамёнбоп телефонлари — Redmi 9А ва Redmi 9C моделлари 100 доллардан сотувга чиқарилгани тўғрисида хабар берилганди.
Мавзуга доир: Xiaomi ҳамёнбоп Poco М2 Pro моделини тақдим этди
Изоҳ (0)