Хитойнинг Xiaomi компанияси ностандарт дизайнга эга Qin AI Life болалар телефонини тақдим этди. Мазкур янги телефон 2—7 ёш оралиғидаги болалар учун мўлжалланган, деб хабар беради «Hi-Tech.Mail.ru».
Қурилмада кўпчилик ўрганган рақамли клавишлар ва бошқа бошқарув органлари йўқ, бунинг ўрнига кичкина хоч ва иккита — «Ок» ҳамда «Орқага» тугмалари ўрин олган. Ихтирочилар болалар телефони учун бошқача йўл тутишга қарор қилган, у овозли бошқарувга мўлжалланган.
Qin AI Life телефонини болалар овозли буйруқлар ёрдамида бошқаради, бу ерда одатдагидек «қўнғироқлар» ва SMS-хабарлар керак эмас. Бунинг ўрнига стандарт мессенжер ўрнатилган бўлиб, боланинг ота-онаси биргаликда овозли хабар алмашиш учун ўзлари ва бошқаларни қўшиш мумкин.
Мазкур телефон ёрдамида ота-она томонидан белгиланган рақамларга қўнғироқ қилиш мумкин, шунингдек, бошқа номерларни тақиқлаб қўйиш имконияти ҳам бор. Бутун интерфейс ҳали яхши ўқишни билмайдиган болалар ҳам фойдаланиши учун қулай қилиб ишланган.
Ота-оналар ўзларининг смартфонлари орқали боланинг телефонига турли вазифа ва саволлар юборишлари, шунингдек, уни Wi-Fi улаши ёки чеклаши, «будилник» вақтини белгилашлари мумкин. Бундан ташқари, телефондаги GPS орқали боланинг ҳаракатини кузаца бўлади.
Qin AI Life классик тугмали телефонга ўхшайди. Унга 1,54 дюймли рангли дисплей ва сиғими 1150 мА/соатга тенг аккумулятор ўрнатилган. Шунингдек, телефон виртуал eSIM’ни қўллаб-қувватлайди.
Youpin краудфандинг майдончасида ушбу болалар телефонини 399 юанга (57 доллар) буюртма қилиш мумкин. Қурилма жамланмасидан қувватлантиргич ҳамда махсус тасма ўрин олган.
Аввалроқ Xiaomi янги ноодатий смартфон яратиш устида иш бошлагани тўғрисида хабар берилганди.
Изоҳ (0)