Xiaomi компанияси ўзининг Poco шўъбаси логотипи остида ҳамёнбоп М2 Pro смартфонини тақдим этди. Янги қурилма биринчи навбатда мобил ўйин ишқибозлари учун мўлжалланган, деб хабар беради «Afisha.uz».
Poco М2 Pro — Poco брендининг логотипи туширилган ва бироз ўзгартирилган Redmi Note 9 Pro. Янги моделга 2400х1080 пикселга эга 6,67 дюймли дисплей ўрнатилган. Смартфоннинг олд ва орқа панели Gorilla Glass 5 ойнаси билан ҳимояланган бўлиб, улар пласик ён томонлар билан бирлаштирилган.
Қурилма ичига Qualcomm Snapdragon 720G процессори, 4 ёки 6 гигабайт тезкор ҳамда 64/128 гигабайт ички хотира ўрнатилган. Аппарат 5000 мА/соат сиғимга эга аккумулятор ёрдамида ишлайди. Смартфон масофадан туриб уй техникаларни бошқаришга ёрдам берадиган инфрақизил сенсорга, USB Type-C, Bluetooth ва наушниклар учун минижекка эга.
Сифатли суратларни олиш учун асосий камера 48 мегапикселлга, қўшимча камералар эса 8, 5 ҳамда 2 мегапикселлга эга бўлган. Фронтал камера ёрдамида эса 16 мегапикселли селфиларга тушиш мумкин. Бармоқ изи сканери корпус ён тарафида жойлашган.
Роcо М2 Pro’нинг Хитойдаги расмий нархи:
- Poco М2 Pro 4+64 Гб — 186 доллар;
- Poco М2 Pro 6+64 Гб — 200 доллар;
- Poco М2 Pro 6+128 Гб — 226 доллар.