Xiaomi ноодатий дизайнга эга янги смартфон яратиш устида иш бошлади — қурилма экрани ўз корпуси атрофида деярли тўлиқ «айланади». Бу борадаги тегишли патент Хитой Интеллектуал мулк миллий бошқармаси (CNIPA) сайтида пайдо бўлган.
Ҳужжатларда оқ-қора чизмалардан ташқари, рангли рендерлар ҳам келтирилган бўлиб, унда яратилажак гаджетнинг дизайни билан танишиш мумкин. Қурилманинг олд панели тўлиқ, орқа томонининг 2/3 қисми эса экран билан қопланган, қолган жойлар камералар модули учун ажратилган. Шу билан бирга, камера атрофидаги корпус шаффоф материалдан тайёрланган, бошқа бир версиясида эса қора материалдан.
Смартфоннинг пастки қисмига динамик ва USB Type-C «разъёми» ўрнатилган. Тахминларга кўра, смартфон флагман синфига кириши ёки Mi Mix Alpha каби концепт-девайс даражасида қолиб кетиши мумкин.
Қурилманинг камераси алоҳида эътиборга молик. Линза атрофига қалин концентрик ҳалқа ўрнатилган. Чизмалардан бирига кўра, у корпусдан чиқиб туради, бу эса камера корпусга алоҳида ўрнатилишини ёки оптик яқинлаштириш функцияси мавжудлигини билдиради.
Смартфон расман тақдим этилиш жараёнигача етиб келиш-келмаслиги номаълум.
Аввалроқ Xiaomi айланувчи камерага эга смартфон устида иш бошлагани тўғрисида хабар берилганди.
Изоҳ (0)