Интернетда Samsung компаниясининг шовқинни фаол сўндириш функциясига эга янги симсиз наушникларининг расмий суратлари пайдо бўлди, деб хабар беради Hi-Tech.Mail.ru.
Таниқли инсайдер Эван Бласс Galaxy Buds Live номли янги наушниклар дизайнини ошкор этган. Митти қурилмалар ловия шаклида ишланган — наушник қулоққа тўлиқ жойлашиши учун унинг корпуси қулоқ чиғаноғи шаклини такрорлайди.
Бу тўлиқ классик симсиз наушник бўлиб, қўшимча аккумуляторли кейсда сақланади. Ҳозирча ушбу наушниклар бир марта қувватланиш орқали қанча вақт ишлай олиши номаълум.
Ice Universe’ники остидаги яна бир инсайдер Galaxy Buds Live худди AirPods Pro ва Huawei FreeBuds 3i каби шовқинни сўндирувчи фаол тизимга эга бўлиши ҳақида ёзган. Тизим ёрдамида наушниклар микрофони ташқи шовқинлари тўлиқ бостиради. Шу билан бирга, ушбу наушниклар очиқ шаклда бўлиб, уларда қулоққа маҳкам ёпишадиган силикон «насадка»лар йўқ.
Galaxy Buds Live шаклига кўра, уни қулоққа тақиб ухласа ҳам фойдаланувчи ноқулайлик сезмайди. Шунингдек, наушниклар ёрдамида сершовқин залларда машғулот ўтиш ёки ҳамкасблар суҳбатини тингламасдан офисда ишлаш мумкин.
Ҳозирча Galaxy Buds Live нархи ҳақида ҳам маълумотлар ошкор этилмаган. Тахминларга кўра, у Galaxy Buds+’дан қимматроқ бўлади. Samsung янги наушникларини 5 август куни ўтказиладиган тадқимотда, Galaxy Note20 флагмани билан тақдим этиши режалаштирилган.
Изоҳ (0)