Хитойнинг «Шанхай СИПГ» клуби ҳужумчиси Халк амалдаги шартномаси тугаганидан сўнг Хитой Суперлигасини тарк этишга қарор қилганлигини айтди.
«Декабрь (2020 йил) ойида шартномам тугайди. Раҳбарият билан учрашиб, шартномани узайтирмоқчи эмаслигимни айтганман. Менга турли мамлакатлардан, Чемпионлар Лигасида ўйнайдиган Европа клубларидан ва Бразилиядан кўплаб таклифлар тушмоқда. Ҳатто Хитойнинг ўзидан ҳам таклифлар бор, бироқ бу ерда ортиқ ўйнашни хоҳламайман», — дейди Халк.
Эслатиб ўтамиз, Халк 2016 йилдан бери «Шанхай СИПГ» клубида ўйнаб келади. 33 ёшли бразилиялик футболчи Хитой клубидан ташқари, «Зенит» ва «Порту» клубларида тўп сурган.
Маълумот учун, Ўзбекистон терма жамоаси сардори Одил Аҳмедов ҳам айнан «Шанхай СИПГ» клуби аъзоси ҳисобланади. Ҳозирда Хитой Суперлигаси баҳслари коронавирус пандемияси сабаб бошлангани йўқ.
Изоҳ (0)