Россиянинг «Уфа» клуби ярим ҳимоячиси Остон Ўрунов фаолиятини бошқа клубда давом эттириши мумкин. Бу ҳақда Sport24 хабар берди.
Ўруновнинг хизматларига «Спартак», «Локомотив» ҳамда «Зенит» клублари қизиқиш билдирмоқда. Шунингдек, «Краснодар» ҳам ўзбекистонлик ярим ҳимоячи учун курашга қўшилиши мумкинлиги таъкидланмоқда, боиси Ўрунов узоқ вақт давомида клуб академиясида малака оширган.
Бундан ташқари, «Краснодар» раҳбариятининг яна бир ўзбекистонлик футболчи Одил Аҳмедов клубда ўйнаган вақтдан бери унинг атрофидагилари билан илиқ муносабатларни сақлаб қолгани айтилмоқда.
Ўруновнинг «Спартак»га ўтиши билан Москва клубининг янги бош директори Шамил Газизов шуғулланаётгани таъкидланмоқда.
Эслатиб ўтамиз, «Уфа» Остон Ўруновни шу йилнинг февраль ойида ўз сафига қўшиб олганди. Ўрунов Россия Премьер Лигасида 9 ўйинда майдонга тушиб, 2 та сариқ карточкани ўз номига расмийлаштириб қўйди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)