«Локомотив» бош мураббийи Андрей Фёдоров Coca-Cola Суперлига 9-тури доирасида «Машъал»га қарши кечган учрашувдаги (0:1) мағлубиятдан сўнг ўз фикрлари билан ўртоқлашди.
«Жуда ёмон ўйнадик Бу нима билан боғлиқ эканлигини билмайман, аммо охирги икки учрашувда ўйинимиз умуман ўхшамади. Ўйинларни таҳлил қилиб, кўриб чиқамиз. Биринчи бўлимда яхши имкониятларга эга бўлдик, бироқ фойдалана олмадик.
«Машъал» яхши ўйнади ва ижобий натижага эришиб, 3 очкога эга бўлди.
Ҳеч қачон ҳакамлар устидан шикоят қилмаганман, бу сафар ҳам ундай қилмоқчи эмасман. Бир неча ўйиндан бери кўп сариқ карточкалар оляпмиз. Ҳар бир ўйинга камида 4 та огоҳлантириш тўғри келяпти.
Мазкур ўйинга келсак, 30-дақиқада рақиб қўполлиги учун иккинчи сариқни олиши ва майдондан четлатилиши зарур эди. Чунки вазият камига сариқ карточкага тортарди, лекин ундай қилинмади. Мен бу бўйича ҳакамга мурожаат қилсам, улар вазиятни комиссия ёрдамида кўриб чиқиб, бир қарорга келишларини айтди.
Марак Бикмаевнинг майдонга тушмаганига сабаб, машғулотлардан бирида унинг эски жароҳати безовта қилиб қолди ва у ўйинда қатнашолмасди. У захирада бор эди, бироқ унинг соғлиғи билан таваккал қилишни истамадик.
Фақат кучсиз жамоалар устидан ғалаба қозоняпмиз деб ҳисобламаган бўлардим. Олдин ҳам айтганимдек, уйдами ёки сафардами ҳеч бир жамоа сизга очколарни шунчаки бериб қўймайди, бу учун курашиш керак. «Машъал»га қарши баҳсда мағлубиятга эмас, камида дурангга лойиқ эдик.
Истеъфо? Бу ҳақида ўйлаётганим ҳам йўқ», — дея Фёдоров сўзларини келтирмоқда «Championat.asia».
Бу мағлубиятдан кейин «Локомотив» 12 очко билан 8-поғонада бормоқда. Жамоа кейинги турда ОКМК билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)