АПЛ. «Челси» ўз уйида аутсайдерни базўр мағлуб этди
Футбол бўйича Англия Премьер Лигасининг 36-турида «Челси» 14 июль, сешанба куни «Норвич»ни меҳмон қилди.
Учрашувни лондонликлар фаол бошлади, ўз навбатида меҳмонларда ҳам бир қатор имкониятлар юзага келди. Биринчи бўлимга қўшиб берилган вақтда Оливье Жиру Кристиан Пулишич томонидан узатиб берилган тўпга боши билан зарба бериб, уни дарвозага жойлаб қўйди.
Иккинчи бўлимда Фрэнк Лэмпард шогирдлари вазиятни тўлиқ назорат қилди, бироқ дарвозалар даҳлсиз қолди.
Ушбу ғалабадан сўнг «Челси» очколарини 63 тага етказиб олди ва 3-ўринга мустаҳкам жойлашди. «Кўклар» кейинги ўринлардаги «Лестер» ва «Манчестер Юнайтед»ни тўрт очкога ортда қолдирмоқда. «Норвич» эса ўтган турда лигада жон сақлаб қолиш имкониятини йўққа чиқарганди.
АПЛ
36-тур баҳси
14 июль, сешанба
«Челси» — «Норвич» 1:0
Гол: 1:0 – 45+3 Жиру.«Челси»: Аррисабалага, Алонсо (Жеймс, 80), Зума, Аспиликуэта, Рюдигер, Лофтус-Чик (Баркли, 67), Ковачич, Пулишич (Ҳадсон-Одои, 81), Жоржиньо, Виллиан, Жиру (Абраҳам, 86).
«Норвич»: Крул, Годфри, Клозе, Ааронс, Льюис, Кэнтуэлл (Буэндиа, 71), Рупп (Мартин, 89), Тетти (Штиперманн, 79), Эрнандес (Пукки, 79), Маклин, Дрмич (Ида, 79).
Огоҳлантиришлар: Кэнтуэлл (58), Зума (60), Ковачич (62), Буэндиа (88).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
