Ярим ўрта вазн тоифасида UFC чемпиони Камару Усмон промоушендаги кетма-кет 12-ғалабасини қўлга киритди. Ушбу кўрсаткич бўйича у UFC’нинг енгил вазнли чемпиони Ҳабиб Нурмагомедовга етиб олди.
UFC’да ғалабалар серияси бўйича рекордчи 16 та ғалаба билан Андерсон Сильва саналади. Кейинги ўринларда турли вақтларда кетма-кет 13 марта ғалаба қозонган Жон Жонс, Деметриус Жонсон, Макс Ҳоллоуэй ва Жорж Сен-Пьер бормоқда. Улардан сўнг эса юқорида номлари келтирилган Усмон, Ҳабиб ҳамда Тони Фергюсон (12) жой олган. Аммо Тонининг ғалабали серияси 2020 йилнинг май ойида тўхтатилганди.
Қайд этиш жоиз, яқин орада Камару Усмон ва Ҳабиб Нурмагомедовнинг натижасини аёллар ўртасида икки вазн тоифасида UFC чемпиони Аманда Нуньес такрорлаши мумкин. Унинг ғалабали серияси 11 та жангга тенг.
Эслатиб ўтамиз, Усмон UFC 251 мусобақасида Хорхе Масвидални мағлубиятга учратди.
Ҳабиб Нурмагомедовнинг UFC’даги 5 та энг яхши жангини томоша қилинг!
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)