Ярим ўрта вазн тоифасида UFC чемпиони Камару Усмон UFC 251 мусобақасида Хорхе Масвидални мағлубиятга учратганидан сўнг ўз фикрлари билан ўртоқлашди.
Жанг жуда зерикарли ўтди деганларга эса Усмон ўзи каби 25 дақиқа Масвидал билан жанг қилишни маслаҳат берди.
«Балки, улар нимадир дейишдан аввал 25 дақиқа Хорхе Масвидал билан жанг қилиб кўрар. Бир вақтлар одамлар Флойд Мейвезерни ёмон кўрарди. Флойд ҳимояда ҳар доим ҳам юқори даражада ҳаракат қилган ва ўз ишининг устаси бўлган. Бироқ кўпчилик у ҳақида шундай дерди: ‘У зерикарли жанг ўтказади. У жанг қилмаяпти’.
Биз бу ерда ўз ҳаётимизни хавф остига қўямиз. Биз машғулотлар ўтказамиз. Ҳар куни машқ қилиш ва жангга чиқиб, шунчаки калтак ейишдан нима маъно?», — дейди Усмон.
Эслатиб ўтамиз, Абу-Дабидаги «Жангчилар ороли»да ўтказилган UFC 251 мусобақасининг асосий жангида ҳакамлар Камару Усмоннинг 50-45 50-45, 49-46 ҳисобидаги ғалабасини қайд этди.
Камару Усмон ижросидаги энг сара жангларни томоша қилинг!
Изоҳ (0)