Тиббиёт ва фармацевтика соҳасидаги ўзбекистонлик ва исроиллик мутахассислар ўртасида COVID-19 пандемияси шароитида илмий ҳамкорликни ривожлантириш истиқболларини муҳокама қилиш учун музокаралар ўтказди, дея хабар беради «Дунё» агентлиги.
Видеоконференсалоқада Соғлиқни сақлаш ва Инновацион ривожланиш вазирликлари, Фармакологик қўмитаси вакиллари, Халқаро тиббиёт бўйича ҳамкорлик маркази (ISMFS) бош директори, доктор Марина Клейман, Қуддусдаги Яҳудий университетининг биокимё ва Хадасса мактабининг профессори Сауль Едгар ва Холон Технология институти президенти профессор Эдуард Ёқубов иштирок этди.
Видеомулоқот давомида коронавирус ва бошқа касалликларга қарши дори-дармонларни яратиш бўйича Ўзбекистоннинг илмий ва илмий-тадқиқот марказларида клиник ва клиник синовларга қадар бўлмаган синовлар соҳасида ҳамкорликни ўрнатиш масалалари муҳокама қилинди.
Мавзуга доир: Россия Соғлиқни сақлаш вазирлиги COVID-19’га қарши учинчи янги доридан фойдаланишга ҳам рухсат берди
Ўзбек мутахассислари ўзларини қизиқтирган саволларга жавоб олди. Юқорида қайд этилган йўналишда Ўзбекистонда тадқиқот ўтказиш учун исроиллик тадқиқотчиларни жалб қилган ҳолда ҳамкорликни йўлга қўйиш тўғрисида келишувга эришилди.
Бундан ташқари, телетиббиёт ва масофадан туриб тиббий консултация соҳасида ҳамкорлик истиқболлари муҳокама қилинди. Профессор Эдуард Ёқубов яқинда Исроилда биринчи бўлиб Холон технология институтида рақамли тиббиёт факультети очилганини таъкидлаб, республиканинг тегишли кафедралари ва университетлари билан ҳамкорлик алоқаларини ўрнатишга, шунингдек, институт асосида ўзбекистонлик мутахассислар учун онлайн малака ошириш курсларини ташкил этишга ёрдам беришга тайёрлигини билдирди.
Марина Клейман, шунингдек, Исроилнинг тиббиёт муассасалари хизматларидан турли соҳалардаги етакчи исроиллик мутахассислар билан узоқдан маслаҳатлашувлар орқали фойдаланиш имконияти ҳақида маълумот берди.
Изоҳ (0)