Соғлиқни сақлаш вазирлиги ҳузуридаги коронавирусга қарши кураш штаби аъзоси, профессор Ҳабибулла Оқилов Ўзбекистонда коронавирусдан тузалган беморларнинг қон зардобларини беморларга қуйиш тажрибаси бекор қилинганини билдирди.
Жумладан, мутахассис «Коронавирус инфекциясини юқтириб олиб, кейинчалик тузалган беморларнинг қон зардобларини (қон плазмаси) беморларга қуйиш самара бермади. Чет эл тажрибасида ҳам бу иш бермагани сабабли Ўзбекистонда ҳам бу амалиёт тўхтатилди», — дея таъкидлаб ўтган.
Шунингдек, бугунги кунда Россия, Германия, Жанубий Корея, Япония мутахассислари билан доимий тарзда видеоанжуманлар ўтказилаётгани ҳисобига улардаги энг илғор тажрибалар Ўзбекистонда ҳам қўлланилаётгани айтилди.
«Улар билан маслаҳатлашган ҳолда биз карантин чораларини ва даволаш протоколларини Ўзбекистон учун ишлаб чиқяпмиз», — дейди Оқилов.
Эслатиб ўтамиз, мутахассис аввалроқ аслида касалланганлар сони бундан икки-уч баробар кўп бўлиши мумкинлиги, Ўзбекистонда ҳам Қозоғистон ёки Қирғизистондаги каби оғир вазият юзага келиши, дорихоналарда дори, касалхоналарда эса койка-ўринлар етказиб бера олмаслик ҳолатига тушиб қолиш эҳтимоли борасида ҳам гапириб ўтган эди.
Изоҳ (0)