Футбол бўйича Россия Премьер Лигасининг 28-турида «Уфа» 12 июль, якшанба куни «Локомотив» майдонида меҳмон бўлди.

Фото: Twitter

Дастлаб меҳмонлар 39-дақиқада Даниил Фоминнинг пенальтидан киритган тўпи эвазига олдинга ўтиб олди. Бунга «темир йўлчилар» 81-дақиқада Жеферсон Фарфаннинг голи билан жавоб қайтарди. Қайд этиш жоиз, перулик легионер аввалига жароҳат, кейинчалик коронавирусга чалингани боис 14 ойдан буён майдонга тушмаётган эди. 70-дақиқада захирадан ўйинга қўшилган футболчи кўп ўтмай ўз ҳисобига гол ёздириб қўйди.

Ўйинни асосий таркибда бошлаган Остон Ўрунов учрашув якунида захирага олинди. Ўзбекистонлик футболчи ушбу баҳснинг энг яхши ўйинчиси деб топилди.

«Уфа» 37 очко билан 6-ўринни сақлаб турибди. «Локомотив» (51) эса 2-ўринга жойлашган.

РПЛ

28-тур баҳси

12 июль, якшанба

«Локомотив» — «Уфа» 1:1

Голлар: 0:1 – 39, пенальти Фомин, 1:1 – 81 Фарфан.

«Локомотив»: Коченков, Магкеев, Чорлука (Кверквелия, 90), Серкейра (Рибчинский, 46), Игнатьев, Жоау Мариу, Миранчук, Миранчук (Жемалетдинов, 46), Криховяк, Живоглядов (Фарфан, 70), Эдер (Сулейманов, 71).

«Уфа»: Беленов, Сухов, Аликин, Круговой, Терентев, Ўрунов (Тилл, 90), Голубев, Безденежних, Фомин, Козлов (Вомбергар, 90), Бизяк (Емелянов, 73).

Огоҳлантиришлар: Серкейра (38), Ўрунов (43), Криховяк (49), Сухов (51), Бизяк (72), Жемалетдинов (74).

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!