Xiaomi Youpin internet do‘konining kraudfanding maydonchasida qiziqarli yangilik — barmoq izi skaneriga ega bloknot paydo bo‘ldi. Mazkur bloknot o‘z qo‘lyozmalari boshqalar qo‘liga tushishini xohlamaganlar uchun mo‘ljallangan.
Bloknotni ochish uchun barmoqni yon tomonda joylashgan daktiloskopik datchikka tegizish va qisqa vibratsiyani kutish lozim. Bloknotni blokdan chiqarish uchun 0,5 soniya talab etiladi, uning ichiga 160 mA/soat sig‘imga ega akkumulyator o‘rnatilgan bo‘lib, ishlab chiqaruvchining so‘zlariga ko‘ra, bir martalik quvvat ikki oyga yetadi.
Shuningdek, bloknot ichidan ruchka, karta yoki qaydlar uchun qo‘shimcha joylar mavjud. Oppoq varaqlar tugagach, muqovani yangi varaqlarga ega boshqa bloknotga ko‘chirish mumkin.
Ushbu bloknotning ikkita versiyasi sotuvga chiqariladi: yashil va kulrang. Narxi — Xitoyda 43 dollar.
Avvalroq Xiaomi qahvani xush ko‘ruvchilar uchun “aqlli” gadjetni kraudfanding platformasi orqali taqdim etgani to‘g‘risida xabar berilgandi.
Mavzuga doir:
Izoh (0)