Беларуснинг «Динамо Брест» футбол клубида коронавирусга чалинган 16 киши борлиги маълум бўлди. Бу ҳақида «Тribuna.com» нашри хабар бермоқда.
Улар орасида 11 нафар футболчи бор: дарвозабон Сергей Игнатович, ҳимоячилар Эвгений Хачериди, Максим Витус, Кирилл Печенин, ярим ҳимоячилар Артём Милевский, Александр Нойок, Роман Юзепчук, Михаил Гордейчук, Сергей Кривец ва ҳужумчилар Всеволод Садовский ва Денис Лаптев.
Шунингдек, яна беш нафар клуб ходимида касаллик аниқланган. Ҳозирда уч нафар футболчи касалхонага ётқизилган. Кейинги турда «Динамо»нинг ўринбосарлар жамоаси майдонга тушиши кутилмоқда.
Сўнгги маълумотларга кўра, Беларусда СОВИД-19 инфекцияси 63,554 кишида қайд қайд этилган. 423 киши эса ушбу касалликдан вафот этган.
Маълумот учун, Беларусь чемпионати вакили «Энергетик БГУ» клубида икки нафар ўзбекистонлик футболчи — Жасурбек Яхшибоев ва Шаҳбоз Умаров тўп суради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)