Автоспорт дунёси бир қарашда кўриниши мумкин бўлгандан кўра анча қизиқроқ. Ҳеч бўлмаганда, у ерда оддий фуқароларга мўлжалланмаган техник ечимга эга моделлар синовдан ўтказилади, деб хабар қилади Carakoom.
Бунга 1980 йилларнинг охирида Янги Зеландияда яратилган олти ғилдиракчи ралли автомобилини мисол қилиб келтириш мумкин. Модель оддий Mazda 323 базасида яратилган бўлиб, номаълум муҳандис томонидан унинг олд қисмига бир жуфт ғилдираклар қўшилган. Бу машинани фақатгина бошқариш қулай бўлиши учун қилинмаган.
Автомобиль суратларидан кўриш мумкинки, одатда олд ўриндиқлар ва руль чамбараги жойлашадиган қисм бўм-бўш. Гап шундаки, ҳайдовчининг ўрни бироз орқага сурилган — стандарт хэтчбекнинг орқа қатори ўрнига.
Бунга олд ўриндиқлар ўрнида ҳам яна бир двигатель жойлашгани, моделга иккита мотор ўрнатилгани асосий сабаб. Уларнинг ҳар бири ўзининг бир жуфт ғилдирагини ҳаракатга келтиради. Мотор бўлганда ҳам оддий эмас, ҳар бири 280 от кучига эга Mazda RХ7 роторли моторлари ўрнатилган.
Узатмалар қутиси ҳам Mazda RХ-7 моделиники. Узатмалар қутиси ҳам иккита бўлиши ёки бошқа бир усул билан синхронлаштирилган бўлиши ҳам мумкин. Бироқ бу ҳақида ҳеч қандай маълумот йўқ.
Ушбу конструкция одамда ишонч ва умид уйғотмайди. Ахир иккита двигатель — 2 карра муаммо дегани. Шунингдек, ички ёнув двигателларини совутиш масаласи ҳам бор. Суратларда эса қўшимча ҳаво айлантиргич кўринмайди.
Мавзуга доир: Toyota’нинг «Formula-1»даги сўнгги болиди коронавирусга қарши кураш йўлида сотувга қўйилди
Изоҳ (0)