Россиянинг Ростов вилоятидаги Стожки қишлоғи осмонида 10 июнь куни иккита йўловчи самолёти тўқнашуви юз бериши мумкин эди. Бу ҳақда Aviation Safety портали хабар қилган.
Москвага рейсни амалга оширган S7 авиакомпаниясининг Airbus А320 самолёти Emirates Flight’нинг Ослодан Дубайга учган Boeing 777 самолётига яқин келган.
S7 борти баландлик олаётган ва амирликларга парвоз қилаётган лайнердан 147 километр масофада бўлган. Яқин келиш тўқнашув, яъни икки ҳаво кемаларининг бир бирига урилиш эҳтимолини келтириб чиқарган.
Диспетчерлар самолётлар ҳалокатининг олдини олган, дастлаб S7 учувчилари инглиз тилидаги буйруқларга аҳамият бермаган ва уларни бошқаларнинг ўзаро суҳбати деб қабул қилган.
ОАВда тарқалган хабарларга кўра, диспетчерлар пультида интервалларнинг бузилиши ҳақидаги сигнализация ишлаб кетган, Boeing’да эса тўқнашув ҳақида огоҳлантириш тизими фаоллашган. Натижада икки самолёт тўқнашувининг олди олинган.
Изоҳ (0)