Франция президенти Эммануэль Макрон 3 июль, жума куни Жан Кастексни мамлакат бош вазири лавозимига тайинлади. Бу ҳақда «Интерфакс» хабар берди. Аввалроқ шу пайтгача мамлакат бош вазири сифатида ишлаб келган Эдуар Филиппнинг истеъфога чиққани ҳақида хабар берилганди.
Кастекс олий мартабали француз мансабдори бўлиб, унга мамлакатни коронавирус пандемияси сабабли жорий қилинган изоляция режимидан чиқариш жараёнини мувофиқлаштириш топширилганди.
Le Figaro газетаси Кастексни мамлакатнинг собиқ президенти Николя Саркозининг тарафдори деб атаган ва унинг эпидемиологик чекловларни олиб ташлаш бўйича муваффақиятли бошқарувини таъкидлаб ўтган.
Қайд этилишича, 55 ёшли Жан Кастекс ўзининг Франция Ҳисоб палатасидаги иши билан танилган. 15 мартда бўлиб ўтган муниципиал сайловларнинг биринчи турида у Шарқий Пиреней департаментидаги Прад шаҳри мери сифатида ишончли ғалабага эришган.
Изоҳ (0)