Ўзбекистонликларни хориждан олиб келиш бўйича 19 июлгача амалга ошириладиган чартер рейслар рўйхати эълон қилинди

Ўзбекистон Транспорт вазирлиги 6 июлдан 19 июлга қадар фуқароларни хориждан олиб келиш бўйича чартер рейслар рўйхатини тақдим этди.

Таъкидланишича, Республика махсус комиссиясининг қарорига мувофиқ хориждаги Ўзбекистон фуқароларини олиб келиш учун навбатдаги чартер рейсларининг жадвали тасдиқланган. Унга кўра жорий йилнинг 6 июлдан 19 июль кунлари давомида 19 та рейс орқали хориждаги фуқаролар олиб келинади.

6—12 июль кунларига белгиланган рейслар жадвали:

• 6 июль. Сеул—Тошкент—Сеул;
• 6 июль. Тошкент—Москва—Тошкент;
• 7 июль. Тошкент—Истанбул—Тошкент;
• 8 июль. Тошкент—Сеул—Тошкент;
• 8 июль. Минск—Тошкент—Минск;
• 9 июль. Тошкент—Москва—Тошкент;
• 10 июль. Сеул—Тошкент—Сеул;
• 10 июль. Тошкент—Дубай—Тошкент;
• 11 июль. Тошкент—Москва—Тошкент;
• 12 июль. Санкт-Петербург—Тошкент—Санкт-Петербург.

13 июлдан 19 июль кунларига белгиланган рейслар жадвали:

• 13 июль. Сеул—Тошкент—Сеул;
• 13 июль. Тошкент—Москва—Тошкент;
• 14 июль. Тошкент—Санкт-Петербург—Тошкент;
• 15 июль. Москва—Тошкент—Москва;
• 15 июль. Тошкент—Сеул—Тошкент;
• 16 июль. Истанбул—Тошкент—Истанбул;
• 17 июль. Тошкент—Нью-Йорк—Тошкент;
• 18 июль. Тошкент—Москва—Тошкент;
• 19 июль. Тошкент—Владивосток—Тошкент.

Аввалроқ Республика махсус комиссиясининг қарорига мувофиқ хориждаги фуқароларни Ўзбекистонга олиб келиш учун 2020 йилнинг 22 июнидан 5 июлигача 21 та чартер рейс амалга ошириш режалаштирилгани тўғрисида хабар берилганди.Эслатиб ўтамиз, 13 майдан 24 майгача хориждаги ўзбекистонликларни олиб келиш учун 12 та рейс амалга ошириш белгиланган ва режага асосан амалга оширилганди. 25—31 май кунлари 8 та чартер рейс орқали Россия ва Туркиядан жами 2118 нафар фуқаро Ўзбекистонга олиб келиниши хабар қилинганди. Шунингдек, 1—7 июнь кунлари хориждаги ўзбекистонликларни олиб келиш учун 9 та чартер қатнови, 8—21 июнь кунлари оралиғида 20 та чартер рейс амалга оширилган.