Ўзбекистон Президенти Шавкат Мирзиёев Беларусь президенти Александр Лукашенкони Мустақиллик куни билан муборакбод этди. Бу ҳақда Президент матбуот хизмати хабар берди.
Мустақиллик куни мамлакатнинг асосий байрами ҳисобланади. 1944 йил 3 июлда Беларусь пойтахти Минск фашист босқинчиларидан озод қилинганди.
Эслатиб ўтамиз, Шавкат Мирзиёев 2019 йилнинг августида Беларусга биринчи бор расмий ташриф билан борган эди. Ўшанда давлат раҳбарлари ўзаро ҳамкорликнинг долзарб масалаларини атрофлича муҳокама қилганди. Сентябрь ойида эса Александр Лукашенко Тошкентдаги «Ўзекспомарказ»да Беларусда ишлаб чиқарилган маҳсулотлар кўргазмасида иштирок этган.
Изоҳ (0)