Uzbekistan Airways aviakompaniyasi yaqin ikki hafta davomida xorijdagi vatandoshlarni O‘zbekistonga olib kelish uchun yana 20 ta charter reysni amalga oshiradi. Bu haqda kompaniya matbuot xizmati “Daryo”ga ma’lum qildi.

Foto: “Daryo”

Ta’kidlanishicha, reyslar 8—21-iyun kunlari oralig‘ida tashkil etiladi.

Reyslar jadvali quyidagicha:

8—14-iyun:

  • 8-iyun. Toshkent—Moskva—Toshkent;
  • 9-iyun. Toshkent—Seul—Toshkent;
  • 9-iyun. Toshkent—Moskva—Toshkent;
  • 11-iyun. Toshkent—Novosibirsk—Toshkent;
  • 12-iyun. Toshkent—Moskva—Toshkent;
  • 12-iyun. Toshkent—Istanbul—Toshkent;
  • 13-iyun. Toshkent—Moskva—Toshkent;
  • 14-iyun. Toshkent—Dubay—Toshkent.

Ushbu haftada Rimga ham reys qo‘yilishi kutilmoqda, bu haqda keyinroq e’lon qilinadi.

15−21-iyun:

  • 15-iyun. Toshkent—Moskva—Toshkent;
  • 15-iyun. Toshkent—Istanbul—Toshkent;
  • 16-iyun. Toshkent—Tel-Aviv—Toshkent;
  • 16-iyun. Toshkent—Dubay—Toshkent;
  • 17-iyun. Toshkent—Moskva—Toshkent;
  • 19-iyun. Toshkent—Istanbul—Toshkent;
  • 19-iyun. Toshkent—Moskva—Toshkent;
  • 19-iyun. Toshkent—Istanbul—Toshkent;
  • 20-iyun. Toshkent—Qozon—Toshkent;
  • 21-iyun. Toshkent—Moskva—Toshkent”;
  • 21-iyun. Toshkent—Yekaterinburg—Toshkent.

Ma’lumotlarga ko‘ra, oxirgi bir oyda 32 ta charter reys orqali 8 mingga yaqin, chegara postlari orqali 20 mingdan ortiq fuqaro O‘zbekistonga olib kelingan. Ularning ko‘pchiligida kasallik aniqlangan.

Eslatib o‘tamiz, 25—31-may kunlari 8 ta charter reys amalga oshirilgan hamda Rossiya va Turkiyadan jami 2118 nafar fuqaro O‘zbekistonga olib kelinishi xabar qilingandi. 13-maydan 24-maygacha xorijdagi o‘zbekistonliklarni olib kelish uchun 12 ta reys amalga oshirish belgilangan va rejaga asosan amalga oshirilgandi. Bundan tashqari, 25-maydan 7-iyun kunigacha 17 ta reys orqali xorijdagi fuqarolarni evakuatsiya qilish rejalashtirilgan va bu reyslar amalga oshirilmoqda.