Ўзбекистонда 4 июль соат 18:00 ҳолатига кўра, коронавирус инфекцияси қайд этилганлар сони 111 кишига кўпайиб, 9611 нафарни ташкил этмоқда. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг
- 44 нафари карантин марказидаги фуқаролар орасида,
- 66 нафари Тошкент шаҳрида,
- 1 нафари Бухоро вилоятида аҳоли орасида аниқланган.
Шунингдек, Тошкентдаги 2-сон Республика клиник шифохонасида 53 нафар ва Тошкент тиббиёт академияси клиникасида 2 нафар, жами 55 бемор тузалиб, Ўзбекистонда соғайганлар сони 6306 нафарга етди (65 фоиз).
Ҳозирда мамлакатда 3275 нафар беморга шифокорлар томонидан белгиланган стандартлар бўйича даво чоралари кўрилмоқда.
Шу пайтга қадар 30 нафар бемор касаллик асоратлари оқибатида вафот этган.
