Тошкент вилояти Олмалиқ шаҳридаги тиббиёт ходимида коронавирус инфекцияси таҳлилига топширилган тест мусбат натижа берди. Вилоят ҳокимлиги матбуот хизмати хабарига кўра, бу ҳақда Олмалиқ шаҳар Санитария-эпидемиология осойишталик маркази раҳбари Фаррух Мусаев маълум қилди.
Унга кўра, 3 июль куни Олмалиқ шаҳридаги бир нафар тиббиёт ходими ва бир нафар фуқарода коронавирус инфекцияси таҳлилига топширилган тест натижаси мусбат чиққан.
Қайд этилишича, ҳозирда ушбу фуқаролардан яна қайтадан тест таҳлиллари олинди.
Айни вақтда шаҳар ИИБ томонидан Олмалиқ шаҳар кўп тармоқли марказий поликлиника ва шифохонаси профилактика мақсадида ёпилиб, тезкор суриштирув ишлари олиб борилмоқда.
Аввалроқ Ўзбекистонда коронавирусга чалинганлар сони 9500 га етгани ҳақида хабар берилганди.
Изоҳ (0)