Халқаро меҳнат ташкилоти (ХМТ)нинг Глобал саммити давомида Европа ва Ўрта Осиёда коронавирус пандемиясининг меҳнат бозорларига таъсирига қарши курашиш йўллари ва келажакдаги истиқболларини муҳокама қилиш мақсадида 1 июль, чоршанба куни минтақавий сессиялардан бири бўлиб ўтди. Бу ҳақда «Дарё»га Меҳнат вазирлиги хабар берди.
Энг йирик онлайн-учрашув сессиясида Швейцария, Швеция, Португалия, Бельгия, Хорватия, Испания, Россия, Грузия каби давлатларнинг меҳнат вазирлари, ишчилар ва иш берувчилар ташкилотлари раҳбарлари қатнашди.
Марказий Осиё минтақасидан Ўзбекистон бандлик ва меҳнат муносабатлари вазири Нозим Ҳусанов иштирок этди. У иштирокчиларни мамлакат меҳнат бозори учун пандемия оқибатларини бартараф этишнинг маҳаллий тажрибалари билан таништирди.
Хусусан, вазирликнинг қайд этишича, коронавирус пандемияси шароитида ижтимоий аҳволи ва турмуш шароити оғирлашган оилаларнинг бандлигини таъминлаш орқали уларга даромад манбайи яратишнинг «Вақтинчалик тартиби» жорий этилди.
Вақтинча бандлик бўйича жамоат ишлари фонди маблағлари ҳисобидан 230 мингга яқин ишсиз фуқаролар иш билан таъминланди. 33 мингдан ортиқ кам таъминланган оилаларнинг шахсий томорқаларини ривожлантириш ва қишлоқ хўжалиги кооперативларини ташкил этиш учун субсидиялар бериш механизми орқали қўллаб-қувватланди.
Мавзуга доир: Ўзбекистонда 2020 йил 1 октябргача яшаш минимуми ва истеъмол саватчасининг ҳуқуқий асослари яратилади
Шундай қилиб, жами 374 минг фуқаро Меҳнат вазирлиги томонидан уч ой давомида бандлик ва доимий даромад билан таъминлангани маълум қилинди.
Мавзуга доир:
- Ўзбекистонда Инқирозга қарши курашиш жамғармасининг маблағлари қаерга сарфланаётгани тўғрисида маълумот берилди
- Аҳолисининг 31 фоизи меҳнат мигранти бўлган Сўхда пандемия сабабли 14 мингга яқин киши ишсиз қолгани маълум қилинди
- Адлия вазирлиги «Шахсий томорқа хўжалиги тўғрисида»ги қонун лойиҳасини эълон қилди
Изоҳ (0)