Абдулманап Нурмагомедовнинг дўсти, шарҳловчи Рамазон Рабаданов мураббийнинг ўлимига нима сабаб бўлганини айтди.
Аввалроқ Чеченистон раҳбари Рамзан Қодиров Нурмагомедов вафот этганини маълум қилганди.
«Унда икки бор инсулт кузатилди. Юрак ва миясида. Юракни даволаш мумкин, мияни эса йўқ. У кома ҳолатидан чиқмади. Вазият оғир эди, жуда кеч бўлганди. Шифокорлар қўлидан келган барча ишни қилди. Ҳатто президентга ҳам чиқишди, бироқ аҳвол жуда оғир эди», — дейди Рабаданов.
Енгил вазн тоифасида UFC чемпиони Ҳабиб Нурмагомедовнинг отасида май ойида коронавирус аниқланганди. Аввалроқ Ҳабиб коронавирус ортда қолгани, бироқ отасининг аҳволи оғир эканини айтганди.
Маълумот учун, Абдулманап Нурмагомедов 1962 йил 10 декабрда Доғистонда туғилган. Дзюдо ва самбо бўйича Украина чемпиони. Россияда хизмат кўрсатган мураббий. Жанговар самбо бўйича Доғистон терма жамоаси катта мураббийи сифатида фаолият олиб борган.
Изоҳ (0)