«Ливерпуль» ҳужумчиси Муҳаммад Салоҳ Мерсисайд клуби сафида узоқ вақт қолишга умид қилаётгани ҳақида гапирди.
«Мен «Ливерпуль»нинг 30 йиллик танаффусдан сўнг қўлга киритилган чемпионлигидан кейинги ҳиссиётларимни изоҳлаб бера олмайман. Жудаям хурсандман.
Бу жойни яхши кўраман ва «Ливерпуль»да узоқ вақт қолишга умид қиламан. Менга бу ердаги муҳит жудаям ёқади, у бошқа ердагилардан фарқ қилади.
Жамоа сифатида яхши шаклланганмиз. Бир-биримизни яхши тушунамиз. Агар шу йўсинда давом этсак, бундан ҳам кўпроқ нарсага эришишимиз мумкин. Ҳозирги даражамизни ушлаб туриш қийин, бироқ буни амалга оширса бўлади», — дейди Салоҳ.
28 ёшли мисрлик футболчи Премьер Лиганинг ушбу мавсумида 28 та ўйин ўтказиб, 17 та гол урди ва 7 та голга ҳаммуаллифлик қилди. Унинг клуб билан шартномаси 2023 йилгача амал қилади.
Изоҳ (0)