Профессионал футбол лигаси (ПФЛ) Соса-Сола Суперлига 8-туридан ўрин олган икки учрашувни Тошкент шаҳрига кўчирди. Бу ҳақида ташкилот расмий сайтида хабар бермоқда.
«Суперлига 8-тур доирасида «Сурхон» — «Локомотив» ўйини Термизда бўлиб ўтиши керак эди. Аммо ҳозирда Термиз шаҳри Республика махсус комиссияси томонидан хавфсизлик даражаси бўйича ажратилган ҳудудлар тоифасига кўра «қизил», яъни хавфлилик даражаси юқори бўлган ҳудудга киргани учун, ўйин икки томоннинг розилигига кўра Тошкент шаҳрига кўчирилди. Жамоаларнинг иккинчи даврадаги баҳсига эса «Сурхон» спорт мажмуаси мезбонлик қилади.
Шунингдек, бу турдан ўрин олган «Машъал» — «Пахтакор» беллашуви ҳам шу сабаб туфайли Муборакда эмас, Тошкентдаги «Пахтакор» марказий стадионида бўлиб ўтади», — дейилади хабарда.
«Сурхон» — «Локомотив» ўйини 6 июль, душанба куни, «Машъал» — «Пахтакор» учрашуви эса 7 июль, сешанба кунига белгиланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)