«Реал» бош мураббийи Зинедин Зидан ҳужумчи Лионель Мессининг «Барселона»дан кетиши мумкинлиги ҳақидаги гапларга ўз муносабатини билдирди.
«Мен нима бўлишини билмайман. Месси ушбу лигада ўйнайди, биз эса бу ерда энг яхшиларини кўришни хоҳлаймиз. Ҳозир биз мамнун бўлишимиз керак, чунки бизни қийин ҳолатга солиб қўйган рақиб қарши ўйинда («Хетафе» — 1:0) жамоавий ўйин кўрсатдик », — дейди Зинедин Зидан.
Аввалроқ аргентиналик футболчининг клуб билан шартномани узайтириш борасида музокараларни тўхтатгани ва клуб ичидаги муҳитдан норози экани ҳақида хабар берилганди.
33-турдан кейин «Реал» 74 очко билан мусобақа жадвалида 1-ўринни эгаллаб турибди. 2-поғонадаги «Барселона» эса Мадрид клубидан 4 очкога орқада қолмоқда. Чемпионат якунланишига 5 та тур қолган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)