Самарқанд шаҳрининг 2040 йилгача бўлган даврга мўлжалланган бош режаси ишлаб чиқилиб, уни тасдиқлаш тўғрисидаги қарор лойиҳаси ҳукуматга тақдим этилди, деб хабар бермоқда шаҳар ҳокимлиги матбуот хизмати.
Хабарда айтилишича, шаҳар бош режасининг асосий кўрсаткичларида Самарқанд маҳаллий тизимини туристик, маъмурий-хўжалик, илмий, маданий ва саноат маркази жиҳатидан янада ривожлантириш кўзда тутилган.
Унга кўра, Самарқанд шаҳрида 14 та ажратма йўл, 6 та кўприк қурилиши режалаштирилган. Хусусан, Гагарин кўчасининг давомини қуриб кенгайтириш ҳисобига, М39 йўлини Хўжа Аҳрори Вали кўчаси орқали М37 билан боғлаш, Навоий шоҳкўчаси давомини қуриш орқали уни Ал-Хоразмий кўчаси билан боғлаш ва бошқа кўплаб янги йўл қуриш ишларини ўз ичига олган.
Изоҳ (0)