Samarqandda 6 ta ko‘prik qurish rejalashtirilmoqda

Samarqand shahrining 2040-yilgacha bo‘lgan davrga mo‘ljallangan bosh rejasi ishlab chiqilib, uni tasdiqlash to‘g‘risidagi qaror loyihasi hukumatga taqdim etildi, deb xabar bermoqda shahar hokimligi matbuot xizmati.

Xabarda aytilishicha, shahar bosh rejasining asosiy ko‘rsatkichlarida Samarqand mahalliy tizimini turistik, ma’muriy-xo‘jalik, ilmiy, madaniy va sanoat markazi jihatidan yanada rivojlantirish ko‘zda tutilgan.

Unga ko‘ra, Samarqand shahrida 14 ta ajratma yo‘l, 6 ta ko‘prik qurilishi rejalashtirilgan. Xususan, Gagarin ko‘chasining davomini qurib kengaytirish hisobiga, M39 yo‘lini Xo‘ja Ahrori Vali ko‘chasi orqali M37 bilan bog‘lash, Navoiy shohko‘chasi davomini qurish orqali uni Al-Xorazmiy ko‘chasi bilan bog‘lash va boshqa ko‘plab yangi yo‘l qurish ishlarini o‘z ichiga olgan.