Давлат бюджетидан молиялаштириладиган давлат маданият муассасалари ходимлари лавозим маошларининг янги миқдорлари тасдиқланди. Бу ҳақда Norma хабар бермоқда.
Қайд этилишича, 2020 йил 1 февралдан бошлаб бюджет муассасалари ва ташкилотлари ходимларининг иш ҳақи миқдори 1,07 бараварга ёки 7 фоизга оширилди.
Тегишли равишда, қуйидагиларнинг маошлари худди шу тарзда индексация қилинди:
- театрлар ва циркларнинг маъмурий-бошқарув ва бадиий-раҳбар ходимлари;
- театрлар артист ходимлари;
- концерт ташкилотлари ва саройлари (театр-концерт саройи) маъмурий-бошқарув ва бадиий-раҳбар ходимлар;
- концерт ташкилотлари, мусиқа ва рақс жамоалари, шунингдек, цирклардаги артист ходимлари;
- ҳайвонот боғи ходимлари;
- давлат музейлари, музей-қўриқхоналари, уй-музейлари ва бошқа музей туридаги ташкилотлардаги маъмурий-бошқарув ходимлари, шунингдек, ижодий ходимлари ва мутахассислари;
- маданий-маърифий муассасаларнинг маъмурий бошқарув, ижодий ва бошқа ходимлари ходимлари;
- маданият марказлари ходимлари.
Ҳужжат 18 июндан кучга кирган.
Эслатиб ўтамиз, 2018 йил 1 июндан давлат маданият муассасалари маъмурий-бошқарув, бадиий-раҳбар, артист, ижодий ва бошқа ходимларининг меҳнат ҳақи миқдорлари ўртача 45 фоизга оширилганди. Ўша пайтда меҳнатга ҳақ тўлаш гуруҳларини инобатга олган ҳолда ходимларнинг малака тоифалари ва лавозимлари бўйича базавий лавозим маошлари тасдиқланди. Шунингдек, давлат маданият муассасалари ходимларининг 2019 йил 1 августдан кейинги маошлари янгиланган миқдорда тўланган эди.
Изоҳ (0)