Ўзбекистонда коронавирусга чалинган яна 73 нафар бемор тузалди ва мамлакатда касалликдан тузалганларнинг умумий сони 5500 кишидан ошди. Бу ҳақда Соғлиқни сақлаш вазирлиги хабар берди.
Маълум қилинишича, 30 июнь куни Тошкент шаҳридаги Эпидемиология, микробиология ва юқумли касалликлар илмий-текшириш институти клиникасида 28 нафар, Қорақалпоғистон Республикасида 2 нафар, Хоразм вилоятида 43 нафар, жами 73 нафар коронавирус инфекциясига чалинган бемор соғайиб, ўз уйига кузатилди.
Шундай қилиб, айни пайтгача Тошкент шаҳри ва вилоятида коронавирус инфекциясидан жами 3262 нафар бемор тузалди.
Қорақалпоғистон Республикасида эса COVID-19’дан тузалганларнинг умумий сони 143 нафарга етди.
Хоразм вилоятида коронавирусдан соғайганлар сони 301 нафарни ташкил қилмоқда.
Шу тариқа, Ўзбекистонда коронавирусдан соғайганларнинг умумий сони 5569 нафарга етди.
Ўзбекистонда 30 июнь соат 10:00 ҳолатига кўра, коронавирус инфекцияси қайд этилганлар сони 76 кишига кўпайиб, касалланганларнинг умумий сони 8298 нафарга етди. Ҳозирга қадар мамлакатда 25 киши COVID-19 қурбонига айланган.
Мавзуга доир: Ўзбекистонда 5 июлдан бошлаб коронавирусга чалинган айрим тоифа беморлар ўз уйида даволаниши мумкин бўлади
Изоҳ (0)