Президентнинг 29 июндаги қарори билан Ўктам Саломов Ўзбекистон Олий ва ўрта махсус таълим вазирининг биринчи ўринбосари лавозимига тайинланди, деб хабар бермоқда Адлия вазирлиги матбуот хизмати.
Лавозимга тайинлангунга қадар Ўктам Саломов Тошкентдаги Турин политехника университети ректори, ундан аввалроқ эса Андижон машинасозлик институти ректори лавозимида фаолият юритган.
Ўктам Саломов 1977 йилда Бухоро вилоятида туғилган. 1999 йилда Тошкент давлат университетини тамомлаган. 2003 йилда Ўзбекистон Республикаси Фанлар академияси Иссиқлик физикаси бўлими, 2004 йилда Франциянинг Пьер ва Мария Кюри номли 6—Париж университети аспирантурасини тамомлаган. 2014 йилда эса Турин политехника университети докторантурасини битирган.
Изоҳ (0)