Россия президенти Владимир Путин COVID-19 коронавирусининг сунъий равишда тарқатилгани ҳақидаги гап-сўзларда аниқ ва асосли фактларни кўрмаётганлигини айтиб ўтди. РФ давлат раҳбари пандемия сабаб юзага келган инқирозни ўзи бевосита фувоҳ бўлган энг катта миқёсдаги ҳодисалардан бири сифатида алоҳида қайд этди. Путиннинг айтишича, ҳозир бу қаердан келиб қолганини кавлаб, ярага туз сепмаслик, аксинча, содир бўлаётган вазиятни оғирлаштирмаслик учун курашиш зарур. У бу ҳақда «Россия 1» телеканалининг «Москва. Кремль. Путин» кўрсатувига берган интервьюси вақтида гапирган.
«Вирусни кимдир атайин тарқатди, бу махсус тайёрланган иш дея гапиришга асос йўқ. Менимча, агар кимдир ушбу тахмин ҳақиқат деб шу гапга ёпишиб олса, бунинг оқибати яхши бўлмайди», — деган Путин.
Эслатиб ўтамиз, аввал АҚШ ва Европанинг бошқа давлатлари вируснинг табиий йўл билан тарқалганини маълум қилган Хитойни ушбу версия учун кескин танқид қилганди.
Россия президентининг фикрича, мамлакатлар COVID-19’га қарши самарали кураш олиб бориши ва бунда бир-бирларини айбдор қилмаслиги зарур.
Мавзуга доир:
Россия етакчиси пандемия туфайли юзага келган ижтимоий-иқтисодий инқирознинг кўламига ҳам баҳо берган.
«Менимча, бу энг катта масштабдаги инқирозлардан, дарҳақиқат энг оғир дамлардан бири», — дейди Путин.
У мамлакатнинг ўз вақтида ва пухта иш тутиб, ушбу оғир вазиятдан жуда кам йўқотишлар билан чиқиб кетишига реал баҳо берганини алоҳида таъкидлади.
Россияда 28 июнь ҳолатига кўра, бир сутка давомида 6791 та янги касалланиш ҳолати қайд этилган. COVID-19 коронавирус инфекциясини юқтириб олганлар сони 634 437 нафарга етган. Россия бутун дунёда касалланганлар сони бўйича 3-ўринда бормоқда. Мамлакатда эпидемия бошланганидан буён 9 минг киши COVID-19 асоратлари оқибатида ҳаётдан кўз юмган. Деярли 400 минг нафар одам касалликдан тузалган.
Изоҳ (0)