Қозоғистоннинг Жамбил вилояти тоғли ҳудудида ва Қирғизистоннинг Ўш вилояти Олой тумани ҳудудида 28 июнга ўтар кечаси кучли қор ёғди, деб хабар беради Tengrinews.
Қозоғистоннинг Қирғизистон билан чегарасидаги Мерке туманида қор ёғаётганини маҳаллий фуқаролардан бири видеога олган. Бироқ баъзи фойдаланувчилар видеони кўриб, Қозоғистонда ёзда бундай кучли қор ёғиши мумкинлигига шубҳа билдирмоқда. Таъкидланишича, ушбу маълумот Қозоғистон Ички ишлар вазирлигининг фавқулодда вазиятлар қўмитаси матбуот хизматида тасдиқланган.
https://www.instagram.com/p/CB-NK1nHOBa/?utm_source=ig_embed
Маълумотларга кўра, 2000 метр баландликда бу оддий ҳолат ҳисобланади. Қўмитанинг маълум қилишича, эрталабгача барча қор эриб кетган.
Шунингдек, Қирғизистоннинг Ўш вилояти Олой туманидаги Сари-Тош қишлоғида ҳам кучли қор ёғиб, қалинлиги 22 сантиметрга етган. Республиканинг Фавқулодда вазиятлар вазирлигидан маълум қилишларича, туманнинг бошқа қишлоқларида ҳам қор ёғиши кузатилган.
https://www.facebook.com/albinachalova/videos/271060380837811/
Таъкидланишича, Сари-Тошда 28 июнга ўтар кечаси ёмғир бошланиб, у тезда қорга айланган. Ёғингарчилик соат 12:35 гача давом этган. Шу сабабли Қирғизистон фавқулодда вазиятлар вазири Замирбек Аскаров тезкор йиғилиш ўтказиб, маҳаллий идораларга ёғингарчилик оқибатларига тезкорлик билан жавоб бериш вазифасини юклаган.
Изоҳ (0)