29 июнь куни тонгда автомат ва гранатомётлар билан қуролланган бир гуруҳ террорчилар Покистоннинг Карачи шаҳридаги фонд биржаси биносига ҳужум уюштирди, деб хабар беради Geо News.
Маълумотларга кўра, жиноятчилар биржа биносининг асосий кириш эшигига автомобилда келган ва тартибсиз равишда ўқ уза бошлаган, сўнг бинога ҳужум уюштирган.
Ҳужум оқибатида камида икки киши ҳалок бўлган ва яна уч киши жароҳат олган. Бинода ваҳима юзага келган. Биржа персонали орқа эшик орқали эвакуация қилинган.
Ҳужумни уюштирган тўрт нафар террорчининг барчаси воқеа жойига етиб келган полиция ва ҳарбийлар томонидан ўлдирилган. Айни вақтда ҳодиса жойи ҳуқуқ-тартибот органлари томонидан қуршаб олинган.
Изоҳ (0)