Дортмунднинг «Боруссия» клуби ҳужумчиси Эрлинг Ҳоланд фаолиятидаги энг яхши голни танлади.
19 ёшли норвегиялик футболчи Чемпионлар Лигаси 1/8 финалидан ўрин олган ПСЖга қарши ўйинда (2:1) киритган иккинчи (ўша ўйинда Ҳоланд дубль қайд этган) голини ёдга олди.
«Бу менинг энг яхши голим. Мен Чемпионлар Лигасини яхши кўраман», — дейди Ҳоланд.
Эслатиб ўтамиз, иккинчи учрашувда ПСЖ «Боруссия»ни 2:0 ҳисобида мағлубиятга учратиб, Чемпионлар Лигасининг чорак финали йўлланмасини қўлга киритганди.
Ҳоланд жорий йилнинг январь ойида «Зальцбург»дан «Боруссия»га кўчиб ўтган. Бу мавсумда у Бундеслигада 14 ўйин ўтказиб, 13 та гол ва 3 та голли узатмага муаллифлик қилди.
Изоҳ (0)