«Боруссия Д» сафида ижара асосида тўп сураётган «Реал» ҳимоячиси Ашраф Ҳакими фаолиятини «Интер»да давом эттиради.
Италиялик журналист Жанлука ди Марционинг хабар қилишича, томонлар келишувга яқин турибди. Миланликлар трансфер учун 40 миллион евро сарфлайди. Шунингдек, 5 миллион евро бонус ҳам назарда тутилган. Музокаралар ҳали поёнига етмаган, таъкидланишича, 27 июнь ҳал қилувчи кун бўлади.
Манбада айтилишича, марокашлик футболчига «Манчестер Сити» ва «Бавария»дан ҳам қизиқиш бўлган. Икки клуб ҳам футболчи учун 60 миллион евродан воз кечишга ва Ҳакимининг ўзига йилига 5 миллиондан ортиқ маош тўлашга рози бўлган. Бироқ Ашрафнинг ўзи «Интер» вариантини танлаган.
Bild нашри журналисти «Бавария» Ҳакимига кўпроқ маош таклиф қилгани ҳақидаги хабарни инкор қилган.
Ҳакими Бундеслига жорий мавсумида 32 ўйин ўтказиб, бешта гол ва 10 та голли узатма муаллифига айланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)