Англия Премьер Лигаси 31-турининг марказий учрашувида 25 июнь, пайшанба куни «Манчестер Сити» ва «Челси» жамоалари ўзаро куч синашади. Фрэнк Лэмпард шогирдлари ўз майдонида Хосеп Гвардиола бошчилигидаги жамоани қабул қилиб, ким кучлироқ эканига аниқлик киритишга ҳаракат қилиб кўради.
Мазкур учрашув олдидан «Манчестер Сити»нинг кайфияти аъло даражада. Боиси жамоа рестартни ажойиб тарзда бошлади. Пеп Гвардиола шогирдлари танаффусдан кейин «Арсенал» (3:0) ва «Бёрнли»ни (5:0) янчиб ташлади. Ушбу натижаларни қойилмақом деб баҳолаш ҳам мумкин, чунки «шаҳарликлар» сўнгги ўйинини 8 март санасида ўтказганди. Бу ерда мураббийлар штабининг катта ҳажмдаги ишни амалга оширганини таъкидлаб ўтиш даркор. Агар ушбу тенденция давом этадиган бўлса, «Манчестер Сити» Чемпионлар Лигаси 2019/20 йилги мавсумида ғалаба қозониш учун асосий фаворитлардан бирига айланиши, шубҳасиз.
«Челси» ҳақида гап кетганда эса, Фрэнк Лэмпард жамоаси битта ўйин ўтказиб, унда ғалабани қўлга киритди. Жамоа «Астон Вилла» майдонига сафар қилиб, 2:1 ҳисобида ғалаба билан ортга қайтди. Беллашувда дастлаб «кўклар» имкониятни бой бераётганди, бироқ иккинчи бўлимда жамоа икки дақиқада ичида иккита гол урди. Ва бу уч очкони қўлга киритиш учун етарли бўлди.
Гвардиола «Челси»га қарши ўйинда «Арсенал» ва «Бёрнли»га қарши ҳаракат қилган таркибга бироз ўзгартириш киритиши мумкинлигини истисно қилмади. Испаниялик мутахассис эътиборнинг катта қисмини Англия Кубогига («Ньюкасл» билан ўйинга) қаратмоқчи. Гвардиола учун бу ўйин финалга тенг.
Ўйиннинг аҳамиятини ошириб берадиган яна бир жиҳат шундаки, агар «Челси» «Манчестер Сити»дан очко оладиган бўлса, «Ливерпуль» 31-турнинг ўзидаёқ чемпионликни тантана қилиши мумкин. Лондон клубининг мағлубиятдан бошқа ҳар қандай натижаси «Ливерпуль»га 30 йил кутилган чемпионликни тақдим этади.
Мазкур ўйинда «Челси»га Фикайо Томори (жароҳат) ва Каллум Ҳадсон-Одои (спорт формасида эмас) ёрдам бера олмаса, «Манчестер Сити»да Серхио Агуэро жароҳати туфайли майдонга туша олмайди.
Эслатиб ўтамиз, томонларнинг биринчи даврадаги учрашувида «Манчестер Сити» 2:1 ҳисобида ғалаба қозонган.
Ўйинга оид қизиқ фактлар:
- «Манчестер Сити» Англия Премьер Лигасида ўтказилган сўнгги 7 ўйиннинг охирги 5 тасида бирорта ҳам гол ўтказиб юбормаган
- «Челси» Англия чемпионатидаги 7 учрашувнинг 6 тасида камида 2 тадан гол урган.
- Премьер Лиганинг бошқа бирорта жамоаси «Манчестер Сити»ни «Челси» каби кўп марта мағлубиятга учратмаган (25)
- Ушбу учрашув «Манчестер Сити» ва «Челси» ўртасидаги пайшанба куни бўлиб ўтаётган иккинчи баҳс ҳисобланади (ички чемпионат доирасида жамоалар жами 150 ўйин ўтказган) Биринчи ўйин 1935 йилда «Челси»нинг ғалабаси (2:1) якунланган.
- 162 та учрашув
- «Челси»да — 65 та ғалаба
- «Манчестер Сити»да — 57 та ғалаба
- 40 та дуранг
- «Челси» — 221 та гол урган
- «Манчестер Сити» — 208 та гол урган
- «Челси»нинг энг йирик ғалабаси — 6:0
- «Манчестер Сити»нинг энг йирик ғалабаси: 6:0
- Энг сермаҳсул ўйинлар: 6:3, 4:5
- Энг сермаҳсул дуранг: 4:4
«Челси»: Кепа — Рюдигер, Кристенсен, Алонсо, Аспиликуэта — Жоржиньо, Канте, Ковачич — Пулишич, Жиру, Виллиан
«Манчестер Сити»: Эдерсон — Уокер, Фернандиньо, Ляпорт, Менди — де Брюйне, Родри, Гундўған — Стерлинг, Жезус, Фоден
Бизнинг қиладиган ишларимиз бор. Вазифамиз — сўнгги бир неча мавсумда дунёнинг энг яхши клубларидан бири бўлиб турган жамоа билан курашиш ва ижобий натижага эришишга ҳаракат қилишдир.Фрэнк Лэмпард «Челси» устози
Таркибимиз футболчиларнинг майдонда қанча вақт ўтказганига ва уларнинг жисмоний ҳолатига боғлиқ. Биз «Челси» билан бўладиган учрашувдан олдинроққа қараяпмиз. Жамоамиз ҳали ҳам ҳар уч кунда 90 дақиқадан ўйнашга тайёр эмас.Хосеп Гвардиола «Манчестер Сити» бош мураббийи
АПЛ
31-тур баҳси25 июндан (пайшанба) 26 июнга (жума) ўтар кечаси 00:15 да
Изоҳ (0)