Енгил вазн тоифасида UFC чемпиони Ҳабиб Нурмагомедовнинг менежери Али Абдулазиз мижозининг икки вазн дивизиони собиқ чемпиони Конор Макгрегорга қарши эҳтимолий реванш жанги ҳақида гапирди.
«Макгрегор реванш ҳақида гапирмоқда, бироқ Ҳабиб унга бу имкониятни бермайди. Конор ўтириб, ўз имкониятини кутиши керак. У камида учта жангда ғолиб чиқиши зарур.
Макгрегор илк навбатда Ислом Махачевга қарши жанг қилиши керак», — дейди Абдулазиз.
Аввалроқ ирландиялик яккакурашчи фаолиятини якунлашини маълум қилганди.
Эслатиб ўтамиз, Макгрегор ва Нурмагомедов ўртасидаги жанг 2018 йилнинг октябрь ойида ўтказилган. Унда россиялик жангчи оғритиш усулини қўллаб, рақибини таслим этганди.
Ҳабиб сентябрь ойида енгил вазннинг вақтинчалик чемпиони Жастин Гэтжига қарши жанг қилади.
Изоҳ (0)